Aurkezpen honek aisialdiko espazioetan ikuspegi hezkidetzailea txertatzeko modua lantzen du. Hezkuntza ez-formalean genero-sistemak eta botere-harremanek duten eragina aztertzen du, aisialdiko jardueren ustezko neutraltasuna zalantzan jarriz. Hezitzaileen prestakuntza, behaketa, hizkuntzaren berrikuspena, komunikazio hezkidetzailea eta jardueren diseinua eta ebaluazioa lantzeko orientabideak eskaintzen ditu. Horrez gain, esku-hartzeko hainbat esparru eta proposamen praktiko aurkezten ditu, hala nola berdintasunean jolasteko tailerrak, genero-ikuspegiko ipuin-kontaketak eta emakumeen aurkako indarkeria prebenitzeko jarduerak.
Egiletza: Garazi Perea Prego – Bizkaiko Urtxintxa Eskola.