Dokumentu honek ikastetxeetan indarkeria matxistaren biktima diren neska, nerabe eta emakumeei arreta emateko jarduera-jarraibideak jasotzen ditu. Helburua hezkuntza-eremuan indarkeria-egoerak detektatzeko, biktimei arreta emateko eta haiei laguntzeko orientabideak eskaintzea da, haien babesa bermatzeko koordinazio bidezko esku-hartzea sustatuz. Indarkeria matxistaren hainbat adierazpen aztertzen ditu, eta ikasleei, langileei edo hezkuntza-komunitateko beste kide batzuei eragin diezaieketen egoeren aurrean jarduteko jarraibideak eskaintzen ditu. Biktimekin esku hartzeko, beste zerbitzu eta baliabide espezializatuekin koordinatzeko eta babes-neurriak aplikatzeko orientabideak jasotzen ditu.
Egiletza: Eusko Jaurlaritzaren Hezkuntza Saila