“JAUZIAK PAREKIDETASUNERANTZ” ekimenak Haur Hezkuntzako eta Lehen Hezkuntzako irakasleen jarduna eta esku-hartze eremua indartzea du helburu, gizarte berdinzaleak eraikitzeko bidean. Horretarako, haien beharretara egokitutako hezkidetza-material espezifikoa eskaintzen du.
Gida hau irakasleen parte-hartze aktiboari esker osatu da; izan ere, modu desinteresatuan, hezkidetza-ikuspegiko ikasgelak kudeatzerakoan dituzten kezka eta zailtasun nagusiak partekatu dizkigute. Horri esker, gida erabilgarria eta praktikoa izatea lortu da, eta hezkuntza-testuinguru eta errealitatearekin guztiz bat etortzea. Lerro hauetatik, haien laguntza eskertu nahi dugu.
Dokumentu honek genero-ekitatearen inguruko hurbilketa teorikoa eskaintzen du. Bere edukiak hausnarketara gonbidatzen du, ikuspegi hori ulertzeko oinarrizko kontzeptuak eta gakoak eskainiz, eta hezkuntza-errealitateari begirada kritikoa garatzen lagunduz.
JAUZIAK hiru liburuxkaz osatuta dago, genero-berdintasunera hurbiltzeko ikuspegi desberdinak eskainiz: lehenengoak ikuspegi teorikoa du, hausnarketarako gonbita egiten duena; bigarrenak izaera metodologiko eta prozedurazkoa du, ideiak eta jarduteko jarraibideak proposatzen dituena; eta hirugarrena, “toolkit” formatuan diseinatua, ekintzara modu zehatzean igarotzeko fitxa praktikoen bilduma bat da, ikasgelan benetako eraldaketa sustatzeko.
GIDA TEORIKOA: HEZKIDETZA-BEGIRADA ULERTZEKO APUNTE BATZUK
GIDA PRAKTIKOA: IKASGELARAKO IDEIAK ETA ESTRATEGIAK
LAN FITXAK